Við fórum að kíkja á Rúnu Rauðku sem er nú í tamningu hjá Þresti Gestssyni í Víðidalnum. Við erum ánægð með þróunina á henni og finnst hún koma vel út hjá Þresti, vonumst til að geta sýnt hana í hæfileikadóm í sumar. Rúnu Rauðka hefur nú þegar fengið mjög góðan byggingardóm en ekkert varð af frekari þjálfun þá vegna slysafyls sem uppgötvaðist í miðju tamningaferli.

 

Hér má sjá myndir af Frigg frá Tjarnarkoti sem hefur verið í tamningu í vetur en hún er undan Tóni frá Ólafsbergi. Tryppin undan honum eru næm með frábært ganglag og verður spennandi að fylgjast með framhaldinu.

Í sömu ferð var litið við hjá Örnu í Faxahestum þar sem Rúnu-Rauðka er í sundi og þjálfun, hér er um að ræða fallega byggða hryssu sem á mikið inni og verður gaman að fylgjast með henni.

Frigg frá Tjarnarkoti var að koma úr 2 mánaða tamningu frá Agnari í Staðarhúsum og lofar bara góðu. Siggi bróðir og Óli Pétur voru með í för, þeir tóku hana út og leist bara vel á.

Rúnu Rauðka er komin í þjálfun fyrir sunnan hjá honum Guðmundi Inga í Fjárborgum.
Hún var í tamningu í fyrra og lofaði mjög góðu og fór í byggingardóm og fékk 8,23 en
reyndist fylfull. Ættlunin er að sýna hana í vor og fá á hana fullnaðardóm.